Lánum náttúrunni raddirnar okkar allra - verndum hana......

30.9.2009 | 00:18

Lánum náttúrunni raddirnar okkar allra - verndum hana... hana sem mun hjálpa okkur út úr kreppunni ef hún fær að vera óskemmd!

Eigendur Century Aluminium ásælast orkuna í landinu okkar til að skapa sjálfum sér peningalegan auð. Landið okkar munu þeir skilja eftir svo illa farið að það mun ekki laða lengur til sín náttúruferðamenn - en náttúruferðamenn eru okkar helstu viðskiptavinir í ferðaþjónustu og ferðaþjónustan er næststærsta útflutningsgrein okkar á eftir sjávarútveginum.

Lára Hanna hefur skrifað nokkur ólík bréf til að mótmæla fyrirhuguðum breytingum á aðalskipulagi sveitarfélagsins Ölfuss, en til að hægt sé að eyðileggja Bitru fyrir eigendur Century Aluminium þá verður að breyta skilgreindu útivistarsvæði í skipulagt iðnaðarsvæði. Bréfin hennar fylgja hér með. Ég hvet alla til að velja sér bréf og senda til sveitarstjórnar Ölfuss eigi síðar en 2. október.

Ítarlegri upplýsingar á blogginu hennar Láru Hönnu: Látum ekki stela frá okkur landinu!

Við munum eiga í peningalegum erfiðleikum næstu árin - auðlindirnar okkar er það eina sem við getum notað til að bjarga okkur. Auðlind sem er fórnað fyrir álver verður ekki auðlind fyrir neinn nema eigendur álversins. Auðlind sem laðar til sín náttúruferðamenn er varanleg og skapar atvinnu og verðmæti öld eftir öld.

Sýnum siðferðisstyrk og skynsemi og rísum upp gegn Century Aluminium og mótmælum því að útivistarsvæði sé breytt í iðnaðarsvæði!

Helga Garðarsdóttir

Skrár tengdar þessari bloggfærslu:

Flokkur: Stjórnmál og samfélag | Facebook

Athugasemdir

Er hægt að senda áskorun í tölvupóst???

Helga Björk Magnúsar Grétudóttir (IP-tala skráð) 30.9.2009 kl. 00:41

Því miður, nei. Það verður að handskrifa undir og senda í umslagi. En það má senda mörg blöð í sama umslagi. Það verður að póstleggja þetta í síðasta lagi 2. október.

Vaktin, 30.9.2009 kl. 00:46

Hér hef ég fundið adressu í Ölfusi:

Sveitarfélagið Ölfus - kt. 420369-7009
Hafnarbergi 1 - 815 Þorlákshöfn
S.: 480 3800 Fax: 480 3801... Lesa meira
netfang: olfus@olfus.is

Cilla (IP-tala skráð) 30.9.2009 kl. 12:44

Ég vil taka það fram að ég samdi ekkert þessara bréfa sjálf. Það gerðu félagar mínir í baráttunni.

Lára Hanna Einarsdóttir, 30.9.2009 kl. 19:18

Takk fyrir leiðréttinguna, Lára Hanna .

Kv. HG

Vaktin, 1.10.2009 kl. 02:53

Bæta við athugasemd [Innskráning]

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Höfundur

Vaktin

Samtökin Vaktin hafa það hlutverk að vekja upp umræðu í þjóðfélaginu og standa með almenningi. Samtökin beina spjótum sínum og stuðningi að fjölmiðlum og fræðasamfélagi til að dýpka umræðuna.

Skipulag samtakanna er svokallað flatt skipulag. Samtökin mótast af minni "vöktum" sem virkjast eftir því sem tilefni gefst til. Vaktirnar sem eru virkjaðar núna er Icesave-vaktin og ESB-vaktin. Þátttaka í hverri vakt er frjáls og er hverjum og einum frjálst að stofna nýja vakt og leita samstarfs innan samtakanna eða utan um að koma málefni þeirrar vaktar í höfn.