Ráðhúsið kl. 14 á morgun þriðjudag!

Hendið ÖLLU frá ykkur á morgun eftir hádegi. Komið á pallana í ráðhúsinu. Takið með ykkur potta, pönnur, skeiðar: allt sem veldur háváða. Það er nóg pláss fyrir alla: Tjarnargata, Austurvöllur, Pósthússtræti rúma þá sem komast ekki fyrir á pöllunum. Verði auðlindirnar seldar komast þær ALDREI aftur í hendur réttborinna eigenda: STÖÐVUM EINSTAKLINGA SEM ERU FÆDDIR Í SKÚFFU Í SVÍÞJÓÐ!

Innihaldið í sænsku skúffunni

Stöðvum hlut HS Orku til Magma

ÁSKORUN:

Ég undirritaður, krefst þess að sala á hlut OR í HS Orku verði stöðvuð af viðskiptaráðherra Íslands, Gylfa Magnússyni með tilvísun í 12. grein laga um fjárfestingu erlendra aðila í atvinnurekstri nr. 34/1991.

Þar stendur:

"Nú telur viðskiptaráðherra að tiltekin erlend fjárfesting ógni öryggi landsins eða gangi gegn allsherjarreglu, almannaöryggi eða almannaheilbrigði eða ef upp koma alvarlegir efnahagslegir, þjóðfélagslegir eða umhverfislegir erfiðleikar í sérstökum atvinnugreinum eða á sérstökum svæðum, sem líklegt er að verði viðvarandi, og getur hann þá stöðvar slíka fjárfestingu, enda kunngjöri hann ákvörðun sína innan átta vikna frá því að honum berst tilkynning um hlutaðeigandi fjárfestingu, sbr. 7. gr.

Virðingarfyllst


----------------------------------------------
(nafn sendanda)

sendist til:

[e-mail]
[e-mail]
[e-mail]
[e-mail]
[e-mail]
[e-mail]
[e-mail]
[e-mail]

Athugasemdir

[Elín Sigurðardóttir (IP-tala skráð) 15.9.2009 kl. 05:26]

http://www.ruv.is/heim/frettir/frett/store64/item298316/

[G. Valdimar Valdemarsson, 15.9.2009 kl. 08:36]

Hvers vegna var þessi áskorun ekki send þegar Steingrímur J. Sigfúrsson afsalaði í hendur útlendinga stórum hluta í Geysi Green um leið og hann skrifaði undir endurfjármögnun Íslandsbanka?

Er ekki sama Jón og séra Jón ?

[Elín Sigurðardóttir (IP-tala skráð) 15.9.2009 kl. 08:44]

Það hefur verið slegin skjaldborg um Steingrím. Þagnarmúr. Svo þrammar fólk niður í Ráðhús með potta og pönnur og lætur öllum illum látum. Þetta er bíó.

[Vaktin, 15.9.2009 kl. 11:33]

Lesið fyrri blogg og þá sjáið þið að Kreppuvaktin hefur gagnrýnt Steingrím harðlega.

[G. Valdimar Valdemarsson, 15.9.2009 kl. 12:41]

En hversvegna hvatti vaktin ekki til mótmæla þegar Steingrímur afsalaði bæði orku og kvóta til útlendinganna?

[Vaktin, 15.9.2009 kl. 12:50]

Lestu bloggfærslur Kreppuvaktarinnar, þá sérðu, ef þú vilt, að Kreppuvaktin hefur reynt að vekja fólk til umhugsunar um það sem er að gerast: Reynt að fá fólk til að horfa gagnrýnum augum á fréttir: Reynt að fá fólk til að spyrja gagnrýninna spurninga: Reynt að vekja fólk til umhugsunar um að bregðast við ef það er óánægt með ástandið.

Hvers vegna hvattir þú ekki til mótmæla af því tilefni sem þú talar um?

[G. Valdimar Valdemarsson, 15.9.2009 kl. 12:58]

Ég hvatti ekki til mótmæla vegna þess að ég tel betri kost að erlendir aðilar komi með fjármagn inn í íslenskt atvinnulíf en að við tökum bara erlend lán og greiðum af því háa vexti.

Ég er ekki hræddur við útlendinga og tel reynslu okkar af erlendri fjárfestingu ekki gefa tilefni til þeirrar histeríu sem tröllríður netmiðlum þessa dagana.

Ég bíð alla útlendinga velkomna til Íslands hvort sem þeir eiga fjármagn eða eru vegabréfslausir flóttamenn. 

[Vaktin, 15.9.2009 kl. 13:05]

Þú hefur rétt á þínum skoðunum, en þú getur ekki krafist þess að aðrir taki undir með þér. Þú hefur líka rétt á að skilja lýsingarorðið "hræddur" eins og þú kýst, um leið verður þú að þola að aðrir eru ósammála skilningi þínum.

[G. Valdimar Valdemarsson, 15.9.2009 kl. 13:41]

Ég setti aldrei farm þá skoðun að aðrir ættu að taka undir með mér.  Reyndar er það vaktin sem fer fram á að fólk mæti niður í Ráðhús til að taka undir með sér.

Það sem ég gerði var að gagnrýna það að farið er greinilega í manngreinarálit. Eins og tilfellið er þegar borgarfulltrúar S og V blaðra út og suður gegn sölunni til Magma á sama tíma og þeirra flokkar standa sjálfir að samskonar gjörningi.

Það er ómerkileg póltík.  Fólk má hafa sýna hræðslu fyrir mér, en mér leiðist þegar fólk er hrætt með einhliða áróðri sem á sér enga stoð í veruleikanum. Málaður er skrattinn á alla veggi án þess að geta nefnt nein fordæmi sem réttlæti litavalið.

[Vaktin, 15.9.2009 kl. 14:03]

Kreppuvaktin er óflokksbundin þannig að það er óviðeigandi að tala um "hennar" flokka! Kreppuvaktin tekur afstöðu til málefna en ekki einstaklinga.

[G. Valdimar Valdemarsson, 15.9.2009 kl. 14:08]

Ég talaði ekki "hennar" flokka... ég talaði bara um ómerkilega pólitík tveggja flokka sem deila greinilega skoðunum með vaktinni.