Nú getur ESB fylgst náið með þér

Eftirfarandi frétt birtist í sænska fréttablaðinu Expressen:

Nú er á borðinu að ESB fái frjálsan aðgang að upplýsingum um ferðir, fjármál og netnotkun þegnanna. Áhyggjurnar og óánægjan eykst. Þetta myndi bitna illilega á Svíum segir sænski þingmaðurinn Camilla Lindberg (FP).

Auka á réttarfarslega samvinnu meðal ESB landanna undir sænsku forræði. Á miðvikudag hittast dómsmálaráðherrar ESB á óformlegum fundi í Stokkhólmi til þess að ræða stefnuna í hinu svo kallaða Stokkhólmprógrammi.

Eitt af aðalatriðunum er réttarfarslegt samstarf í ESB -og bæta á upplýsingargjöf á milli landanna.

Frjáls aðgangur að upplýsingum um ferðir þegnanna, fjármál og netnotkun eru nokkrar af tillögunum.

Viðkvæmar upplýsingar

Það sem hefur lekið út um tillöguna hefur nú þegar mætt gagnrýni bæði á blogginu og meðal stjórnmálamanna.

Þingmaðurinn Camilla Lindberg sem var sú eina í samstarfsflokkunum sem kaus gegn FRA heldur að það mismuni Svíum að halda uppi svona samstarf.

Í Svíþjóð erum við gríðarlega berskjölduð þegar kemur að persónuupplýsingum. Það er mun auðveldara að safna miklum upplýsingum um Svía en t.d. Frakka, þess vegna myndi þetta bitna mjög illa á sænskum almenningi segir hún.

Mark Klamberg doktorsnemi í lögfræði við Stokkhólmsháskóla kemur líka auga á vandamál:

Það er hætta á því að löndin geti notað upplýsingar í öðrum tilgangi en þeim var safnað.

Það stendur til að móta þetta prógram nú með haustinu.   

Þýð. Jakobína Ólafsdóttir