Stöndum vaktina: hvað þýðir Icesave?

Ekki mátti upplýsa um innihald Icesave samningsins og það ekki birt fyrr en einhverjum hafði tekist að smygla því út úr stjórnarráðinu.

Hvers vegna þessi leynd?

Svarið við því virðist nokkuð ljóst. Samningurinn er þess eðlis að hann er stórhættulegur sjálfstæði og framtíð þjóðarinnar.

Fullyrðingar stjórnvalda, embættismanna og Alþjóðagjaldeyrissjóðsins eru byggðar á sandi.

Enginn veit hverjar eignir Landsbankans eru eða hverjar þær verða eftir sjö ár.

Bretar og Hollendingar voru ekki tilbúnir til þess að líta við þessum eignum, hvers vegna?

Enginn veit hver landsframleiðslan verður á Íslandi eftir sjö ár.

Enginn veit hver gjaldeyrisstaða eða vöruskiptajöfnuður verður á Íslandi eftir sjö ár.

Enginn veit hverjar erlendar skuldir og greiðslubyrði vega vaxta og afborganna af þeim verður eftir sjö ár.

Gengdarlaus áróður á borð við það að Ísland sökkvi nánast í sæ ef Bretum, Hollendingum og bröskurum verði ekki leyft að sópa til sín allri arðsemi af auðlindum og verðmætasköpun á komandi áratugum í fjölmiðlum.

EN enginn hefur getað dregið upp mynd af því hver veruleikinn verður fyrir þjóðina árið 2016 þegar búið er að uppræta helming velferðarkerfisins, lækka laun undir fátækramörk, skattleggja allt sem hægt er að skattleggja, skuldsetja Ríkissjóð um þúsundir milljarða. Hvað er Ríkisstjórnin að hugsa?

MÆTUM Í IÐNÓ

Jakobína Ingunn Ólafsdóttir

Borgarafundur um Icesave